وانا ست سنين خرجت مع أمى،
قالت لى إن إحنا هـ نروح نزور ناس ونرجع سوا.
بس أنا ما رجعتش معاها،
امي سابتني هناك ....
كان فيه بيبي اسمها ايمي عندها سنة وناس قالوا لى إن أنا هـ قعد معاهم
عشان آخد بالي منها وأخدمها.
قعدت هناك 9 سنين

فيه مشهد بـ يخليني غضبانة جدًا من أهلي …
وانا عندي 5 سنين، شهـدت ضرب بابا لماما،
فاكرة وانا قاعدة على الأرض في أوضتـهم بـ عيط، ومرعوبة من العنف الـلـي بـ شهده في بيتي،
هي وقعت جنبي وهو بـ يضربها.

اتضربت بالشلاليط واتشدت من شعرها فى الشارع الساعة ٢ الظهر
كان فى رأيه إنها ناقصة رباية
فضلت وقت كبير فاكرة إن ده فعل حب
ولما بقيت ترد وتدافع عن نفسها كان يزود فى الضرب

اتجوزته من عشرين سنة،
مفيش سنة عدت عليا غير بضرب، وإهانة، وفضايح، وطلاق.
بخيل، وزي الزفت، وبـ يبهدلني قدام الدنيا كلها، ومريض، وشخصيته زبالة، وضعيف.
ما بـ يقومش حتى بواجباته الزوجية، لا بـ يقدر ولا فيه نفس،
دايمًا يـعايرني بأي حاجة، أنا قرفت منه ومن عيشته.

أختي، وأخويا التاني، والعيلة كلها كان بـ يضربهم؛
عشان كانوا معترضين إنه بـ يخون أمي مع جارتنا،
كانوا معترضين إن أول ما جوزها ينزل يطلع لها البيت.
بس هو ما كانش مبسوط بده، فـ قرر يضربهم.

اسمي خضرة، وعندي 33 سنة، ومعايا الابتدائية
لكن ما أعرفش ولا أقرأ ولا أكتب
أمى وأبويا ماتوا، عندى 3 أولاد، بسمة، ودنيا، وعمرو
وجوزى اتوفى .

كان مصمم ياخدني أعيش معاه، واسيب أمي
"لأ"
قال لي: "ده آخر مرة بـ قولك بلساني، هـ تيجي معايا؟"
"لأ"
نزل على وشي بأول قلم، تاني قلم، تالت قلم
بعدها بطلت أعد.

كان عندي 18 سنة
أبويا كان بـ يضـربني، وهو بـ يقول لي: "هـ تـردي على جوزك كده؟"
قولت له: "وهو جوزي هـ يضربني ويعاملني كده؟"
قال لي: "هـ يكسر دماغك، ولو جيتي لي هـ رجعك له".
العنف الأسري؛ العنف الجسدي؛ العنف المبني على النوع؛ الوالدين؛ الزواج

كنت ف تالتة ابتدائي وأختي أكبر مني بـ ٣ سنين،
قالوا لنا: "رايحين لدكتور نطمن عليكم"
طب ليه هو احنا تعبانين؟ محدش رد،

أخوها سمعها وهي بـ تكلمه في التليفون بالليل،
فـ مسكها، شدها من شعرها، وضربها.
تاني يوم كان وشها أزرق في أحمر
وقلعها الحجاب، وقص لها شعرها.